طريقة عمل العزيزيه مكرونة باللبن فاطمة ابو حاتى

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم..

طريقة عمل العزيزية :

 - اسلقى اى كيس مكرونة واطفى عليها قبل ماتستوى بشوية يعنى تكون داخلة كدة على سوا ..

تركات هتخليها تظبط معاكى ..

- شيلى شوية منها بميتها على جنب وصفى الباقى 

- دوبى اللبن (كيلو لبن ) فى السكر (كوب سكر ) ودوبى نشا فى المية ( ربع كوباية نشا تكمليها بالمية وتدوبيها فيها) وخليهم جاهزين جنبك

- المكرونة ال صفتيهم من المية حطى عليها اللبن والسكر وفانليا وجوز هند وشوية النشا واديهم غلوتين على النار فهايبقى عندك مكرونة بسكر ولبن تقيلة بس المكرونة باينة فيها

- هاتى بقى المكرونة ال شيلناهم على جنب وفيهم المية بتاعتها  واضربيهم فى الخلاط وحطى عليهم شوية نشا وربع كوباية سكر وفانليا وحطيهم على النار ولما يبقى زى المهلبية اطفى علية ودى بقى المكرونة ال خليناها كانها الباشميل ال بنعملة

- ادهنى بقى صنية بالسمن وحطى المكرونة ال كنا حاطين عليها لبن وسكر وحطيهم فى الصنية وحطى بقى على الوش المهلبية ال بنسبالى باشمل ال عملتيها من المكرونة وحطى المكسرات ال عندك وجوز الهند  ودخليها الفرن ولما وشها يحمر وتستوى خرجيها من الفرن .

ألف هنا..